Mariing kinondena ng Philippine Sanjia Steel Corporation ang isinagawang raid ng Presidential Anti-Organized Crime Commission (PAOCC) at National Bureau of Investigation (NBI), at tinawag itong isang \u201cmanufactured crisis\u201d na nakabatay umano sa hindi beripikadong alegasyon at corporate sabotage.<\/p>\n
Ayon sa kumpanya, naging isang agresibong operasyon ang dapat sana ay ordinaryong pagsusuri lamang, na nagdulot ng pagkaantala sa legal nitong operasyon at pagkawala ng kabuhayan ng daan-daang empleyado.<\/p>\n
\u201cThis was not about public safety. This was harassment packaged as law enforcement,\u201d pahayag ng kumpanya sa pamamagitan ng legal counsel nitong si Atty. \u00a0Julia Chu.<\/p>\n
Isinagawa ang raid sa 22.7-ektaryang manufacturing facility ng Sanjia Steel sa loob ng PHIVIDEC Industrial Estate sa Tagoloan, Misamis Oriental. Pinangunahan ito ng PAOCC sa ilalim ni Executive Director Undersecretary Benjamin Acorda Jr.<\/p>\n
Ikinatwiran ng PAOCC \u00a0na sangkot ang planta sa hazardous industrial processing, paggawa ng substandard steel products, at pagkakaroon ng koneksyon sa ilegal na Philippine Offshore Gaming Operations (POGO).<\/p>\n
Ngunit iginiit ng Sanjia Steel na ilegal at hindi naaayon ang paggamit ng search warrants at pagdetine sa kanilang mga empleyado dahil ang mga alegasyon ay administratibo lamang.<\/p>\n
\u201cThese alleged infractions fall strictly under the regulatory supervision of civilian agencies. Legitimate compliance checks are handled through a standard Notice of Violation (NOV), not by executing criminal search warrants,\u201d paliwanag ni Atty. Chu<\/p>\n
Matapos ang raod, ipinasara pansamantala ng mga ang planta habang hinihintay ang court proceedings.<\/p>\n
Ayon sa kumpanya, mahigit 300 manggagawang Pilipino ang agad naapektuhan at nawalan ng hanapbuhay dahil sa pagsasara ng planta.<\/p>\n
Nagkaroon na rin ng mga protesta sa ilang bahagi ng Mindanao kung saan humihingi ng agarang pagbubukas muli ng planta ang mga empleyado.<\/p>\n
\u201cWe demand the immediate reopening of the factory because our Filipino workers are hungry,\u201d ayon sa pahayag ng kumpanya.<\/p>\n
Kinuwestiyon din ng Sanjia Steel ang alegasyon na gumagawa sila ng substandard steel products, dahil wala kinatawan mula sa Department of Trade and Industry-Bureau of Philippine Standards (DTI-BPS) sa isinagawang inspeksyon.<\/p>\n
Iginiit ng kumpanya na pasado sa engineering at structural standards ang kanilang mga produkto at may hawak silang valid Product Standard (PS) certifications.<\/p>\n
Tinawag din ng kumpanya na \u201cbaseless\u201d at \u201csensationalized\u201d ang alegasyon hinggil sa uranium at toxic nuclear waste.<\/p>\n
Ipinaliwanag ng Sanjia Steel na gumagamit sila ng imported Japanese scrap metal na dumaraan sa mahigpit na pagsusuri at sertipikasyon mula sa Japan at DENR.<\/p>\n
Nagbabala rin ang kumpanya na maaaring makaapekto sa diplomatic relations ang walang basehang alegasyon tungkol sa radioactive materials mula sa Japan.<\/p>\n
Ipinagtanggol din ng Sanjia Steel ang 69 foreign technical specialists na nadetine sa raid, at sinabing lehitimong engineers ang mga ito na tumutulong sa operasyon ng specialized machinery at technology transfer.<\/p>\n
\u201cAll foreign personnel hold valid immigration documents and active Alien Employment Permits,\u201d ayon kay Atty. Chu<\/p>\n
Inakusahan din ng kumpanya ang mga awtoridad ng paglabag sa due process matapos umanong harangin ang kanilang legal team na makapasok sa planta sa loob ng halos 24 oras.<\/p>\n
Ayon sa Sanjia Steel, nilabag nito ang Article III, Section 12 ng Philippine Constitution dahil hindi nabigyan ng access sa abogado ang mga empleyado at dayuhang technicians.<\/p>\n
Kinuwestiyon din ng kumpanya kung bakit wala sa operasyon ang mga ahensyang may direktang hurisdiksyon tulad ng DENR, Bureau of Immigration, at Securities and Exchange Commission.<\/p>\n
\u201cThese regulatory agencies have direct jurisdiction over the allegations raised during the raid,\u201d dagdag pa ni Chu.<\/p>\n
Itinanggi rin ng Sanjia Steel ang alegasyon na konektado pa rin ito sa negosyanteng si Tony Yang at iginiit na nakapag-divest na \u00a0ito batay sa records ng SEC.<\/p>\n
Pinabulaanan din ng kumpanya ang alegasyong may kaugnayan sila sa POGO operations dahil wala umanong nakuhang servers, data hubs, o gaming infrastructure sa isinagawang search.<\/p>\n
\u201cWe find it deeply troubling that broad and highly publicized allegations were used to justify an operation of this magnitude,\u201d ayon sa legal counsel ng kumpanya.<\/p>\n
Nanindigan ang Sanjia Steel na lehitimong steel manufacturing operation ang kanilang negosyo at nagdulot ng malaking pinsala sa reputasyon at kabuhayan ng kanilang mga manggagawa, suppliers, at business partners ang mga alegasyon laban sa kanila.<\/p>\n
Sa gitna ng kontrobersiya, inanunsyo rin ng kumpanya na mag-iimbita sila ng independent international auditors at Japanese suppliers upang patunayan ang kanilang compliance at operational standards.<\/p>\n","protected":false},"excerpt":{"rendered":"
Mariing kinondena ng Philippine Sanjia Steel Corporation ang isinagawang raid ng Presidential Anti-Organized Crime Commission (PAOCC) at National Bureau of Investigation (NBI), at tinawag itong<\/p>\n","protected":false},"author":1,"featured_media":11347,"comment_status":"open","ping_status":"open","sticky":false,"template":"","format":"standard","meta":{"nf_dc_page":"","footnotes":""},"categories":[158],"tags":[236,243,238,247,241,239,237,242,245,235,244,240,246],"class_list":["post-11342","post","type-post","status-publish","format-standard","has-post-thumbnail","hentry","category-news","tag-atty-julia-chu","tag-bcdc-law-office","tag-benjamin-acorda-jr","tag-chinese-engineers-arrested","tag-manufactured-crisis-sanjia-steel","tag-nbi-melvin-matibag","tag-philippine-sanjia-steel-corporation","tag-phividec-industrial-estate","tag-radioactive-steel-isotopes","tag-sanjia-steel-paocc-raid","tag-substandard-steel-bars","tag-tagoloan-misamis-oriental","tag-tony-yang-sanjia-steel"],"yoast_head":"\n